Ghamay2

غزل / شفیق الله شاداب

03.09.2009 10:27

غزل

شوګيرې لاړې په خوبونو دې راواړولم

د يار وصاله په خوندونو دې راواړولم

نور مې د غم د زړه په کور کې ګوزاره ګرانه شوه

ساقي میزبانه په جامونو دې راواړولم

هره ګړۍ دې د راتلو ورځې شمېرم له سره

د خپلو ګوتو په بندونو دې راواړولم

ودې غوښتمه خو په ور دې قبضه واړوله

په دنګو دنګو دېوالونو دې راواړولم

یو که مې چل د ماتولو د لوظونو زده کړ

خو بل په ډېرو قسمونو دې راواړولم

توبه توبه عشقه توبه د کبرجن له مينې

خوار شې دا څه په منتونو دې راواړولم

نصیبه نور د شاداب کار کې ګوتې څله وهې

ښه دې وزګار کړم په شعرونو دې راواړولم

شفیق الله شاداب /اسداباد

 

نيازمحمد ثا قب جلال اباد 09.09.2009 16:28

شاداب اشنا سلامونه مې ومنه<br /><br />ياره په قلم دې برکت شه په دې خا موشه ژبه دې د زړه له تله د فطرت رنګېنيو ته<br /><br />څو مره ښکلا بښلي ده واقعا اشنا په شعر کي دې د معصوميي ميني اظهارپه ډيره<br /><br />خوږه ژبه کړي دي ورره له تاوده باده په امان اوسي <br /><br /><br /><br />وسلام نياز محمد ثا قب

ټولې تبصرې

ستاسو تبصره


لطفاً لاندې افغانستان په انګليسي تورو وليکئ.